Bu gün Türkiyə fevralda gündəmə çıxarılmış «Ergenekon» əməliyyatı 
çərçivəsində yüksək ranqlı tanınmış ictimai xadimlərin, keçmiş ordu mənsublarının yeni həbsləriylə sarsılıb. Həbs olunanlar sırasında 1-ci ordunun sabiq komandanı, istefada olan ordu generalı Hurşit Tolon, Atatürkçü Düşüncə Dərnəyinin sədri, istefada olan ordu generalı Şener Eruyğur, «Cümhuriyyət» qəzetinin Ankara təmsilçisi Mustafa Balbay, həmin qəzetin baş nəşr işləri müdiri Ufuk Büyükçelebi, tanınmış jurnalist, əslən Qarsdan olan Erol Mütərcimlər, Ankara Ticarət Palatasının rəhbəri Sinan Aygün də var.
Baş nazir Rəcəb Teyyub Ərdoğan hazırda 20 nəfərin saxlanıldığını, 4 şəxsin isə axtarışda olduğunu bildirib. Axtarışda olanlar arasında Balıkesirdən olan keçmiş millət vəkili və hakim partiya AKP-nin sabiq üzvü Turhan Çöməzin,jurnalist Şamil Tayyarın da adı keçir.
Həbslərin böyük qism İstanbulda aparılsa da, şəhərin prokuroru Aykut Cengiz Ergin həbslərdən xəbəri olmadığını bildirib. Prokuror deyib ki, həbs olunanların ranqını və onlara ağır cinayətlər ittihamı irəli sürülməsini nəzərə alaraq prokurora hökmən məlumat verilməliydi. ...........davamı
http://www.mediaforum.az/articles.php?lang=az&page=02&article_id=20080701063855002
http://qaraoyneli.azeriblog.com/
